hiv hong kong, hiv,hivselftest,hivtest,hivselftesthongkong,hivtesthongkong,oraquickhivselftesthongkong,oraquickhongkong,hivtestpotus,hivselftestpotus,hivhongkong,hivselftest,愛滋病,hiv,hivselftest,hivtest,hivselftesthongkong,hivtesthongkong,oraquickhivselftesthongkong,oraquickhongkong,hivtestpotus,hivselftestpotus,hivhongkong,hivselftest,愛滋
基本資料
愛滋病病毒
愛滋病
病徵
有關愛滋病測試
愛滋病病毒感染階段
愛滋病病毒傳播途徑
治療方法
愛滋病併發症
愛滋病治療
愛滋病治療的優點
接受愛滋病治療的時期
堅持服藥的原因
定期監測 -病毒載量、CD4淋巴細胞數量及其他
機會性感染
治癒機會性感染
基本資料
認識愛滋病病毒
愛滋病病毒嘅學名係「人類免疫力缺乏病毒」。感染咗佢，免疫系統就無法除掉這個病毒，亦即係代表一生人都會同這個病毒並存。
愛滋病病毒能夠長時間潛伏在人體裡面，並攻擊免疫系統嘅CD4淋巴細胞。時間越長，愛滋病病毒就破壞越多CD4淋巴細胞，使身體不能抵抗外來嘅感染同疾病。
雖然目前愛滋病病毒感染仍然無法根治，但現時已有抗病毒藥物，可以抑制病毒複製，以及修復免疫系統嘅功能。因此，接受愛滋病治療嘅人士同樣可以過健康同有質素嘅生活。
認識愛滋病
愛滋病嘅學名係「後天免疫力缺乏症」，係由愛滋病病毒所引致。如無接受治療，約半數嘅愛滋病病毒感染者會係十年內發病為愛滋病患者。相反，接受治療就可預防愛滋病同明顯壽命會長咗。換句話說，其實唔係所有人感染愛滋病病毒都會進入這個病發階段。
一旦進入這個階段，免疫系統已經嚴重受損，令到患者容易受到一啲通常對健康嘅人不會致病嘅病菌和病毒感染，即係所謂「機會性感染」。在香港，如果有一個或者多個機會性感染如肺囊蟲肺炎，結核和真菌感染，或某些惡性腫瘤出現，即係話你已經病發成愛滋病患者。所以，只有接受愛滋病治療先至係延緩病發嘅唯一方法。
愛滋病病徵
大多數感染者多年來都可以無任何病徵，看起來亦健康正常。即使有病徵出現，亦都會根據個人體質和處於唔同嘅疾病階段而有所不同。
愛滋病病毒感染階段
感染初期
感染愛滋病病毒大約兩至四個禮拜後，身體會因為對病毒作出反應而出現一些病徵。有些感染者有類似流感嘅病徵（通常被稱為「大感冒」），症狀包括發燒、疲倦、喉嚨痛、皮疹、腹瀉和淋巴腫脹，並可以持續幾日至幾個禮拜。
在這個期間（空窗期），感染可能仲未喺愛滋病病毒抗體測試顯示出來，但感染者已經可以把病毒傳染畀其他人，而且傳染性很強。出現這些病徵，亦都唔應該假定自己已經感染愛滋病，原因係這些病徵可以由其他疾病所引起，所以必須請教醫生，並接受愛滋病測試。
無徵狀階段
這個階段係不會出現任何病徵，而且可以維持十年左右。但病毒仍活躍，繼續複製及破壞更多CD4淋巴細胞，感染者依然可以在這個階段把愛滋病病毒傳畀其他人。如無接受抗病毒治療，免疫系統會受到嚴重受損。
愛滋病發病期
如果你感染咗愛滋病病毒，但係無接受治療，病毒最終會損害身體嘅免疫系統。當免疫系統嚴重受損，患者容易受到一啲通常對健康嘅人不會致病嘅病菌和病毒感染，併發某些惡性腫瘤同機會性感染。機會性感染係一些在人類免疫能力下跌時乘虛而入嘅感染，發生這種情況時，感染已經進入發病期，亦就係人所共知嘅愛滋病。如沒有接受治療，平均五成的愛滋病病毒感染者會在十年內演變成愛滋病人。
愛滋病病毒傳播途徑
感染者的深層體液，如血液、精液（包括射精前嘅分泌），以及直腸同陰道嘅分泌物都有愛滋病病毒。
你的黏膜或者未曾癒合嘅傷口接觸到帶病毒的體液，又或者使用曾經被病毒污染的針筒，就有可能被傳染。直腸、陰莖口或者陰道，以及口腔內都覆蓋著黏膜。因此，愛滋病病毒可以由下面嘅途徑傳播：
與受感染伴侶發生性行為
在香港，超過75%嘅感染者係透過性接觸而感染愛滋病，而近年更有大約50%嘅新個案係透過同性或雙性性接觸而感染。
-
肛交係最高風險嘅性行為。接受性肛交 (做0仔) 比插入性肛交 (做1仔) 有較高嘅風險。
-
陰道性交嘅風險程度係排第二位。
-
相比肛交同陰道性交，口交 (包括含吮陰莖同舔肛) 風險較低，而替人口交並於口內射精則有更高嘅風險。此外，可以經由口交而感染嘅性病包括：梅毒、淋病 (俗稱白濁)、性病疱疹、性病疣 (俗稱椰菜花)、甲型和乙型肝炎等。
-
擁有多個性伴侶或感染性病係會增加感染愛滋病嘅風險。
-
服用消遣性藥物容易影響你嘅選擇，並減低你嘅自制能力，比如唔用安全套發生性行為，又或者發生更多粗暴性行為等等。
-
當受感染人士嘅病毒數量低到「檢測唔到」嘅水平及維持6個月以上，傳播愛滋病病毒嘅風險就會微乎其微。不過若同時感染其他性病、或者性器官出現潰瘍、出血，就有可能會將病毒傳染畀其他人。
-
而未受感染嘅人會因為感染咗其他性病或性器官潰瘍，而增加感染愛滋病病毒嘅機會。
血液接觸
-
愛滋病病毒主要係經由共用針筒傳播。
-
吸毒用嘅鼻索器皿都有可能傳播愛滋病病毒。
-
病毒亦可以通過受污染嘅血液或者血液製品而傳播。
母嬰感染
-
受感染嘅母親可以於懷孕、分娩和哺乳期間把病毒傳給嬰兒。
體液如唾液、汗液或尿液嘅病毒數量不足以感染他人。社交或日常嘅接觸例如錫面、一齊食飯或者共用廁所都唔會使你感染到愛滋病。此外，沒有證據顯示蚊子可以傳播愛滋病病毒。
有關愛滋病測試
空窗期
空窗期喺身體受愛滋病病毒感染，直至抗體/抗原測試檢驗出陽性反應嘅一段時間。喺呢段期間，病毒喺感染者體內快速複製，令感染者變得具高度傳染性，即使抗體/抗原測試呈陰性反應，仍能將愛滋病病毒傳染畀他人。
酶聯免疫吸附測試(ELISAs)係現今常用嘅測試技術之一，可檢驗樣本中嘅愛滋病病毒抗體。感染初期，人體需要一段時間先可產生足夠嘅愛滋病病毒抗體去到可被偵測嘅水平，呢段時間因人而異，可長達三個月。
過去幾年間，愛滋病檢測技術不斷進步，新一代檢測技術無論靈敏度或特異度都比上一代提高，而且空窗期較短。以第四代愛滋病檢測產品為例，可檢驗愛滋病病毒一型(HIV-1)、愛滋病病毒二型(HIV-2) 抗體及p24病毒抗原，空窗期可縮短至兩至三星期。因此，合併酶聯免疫吸附測試與p24抗原檢測嘅第四代愛滋病檢測套裝，可大幅縮短空窗期。
現時，第二、第三和第四代嘅檢測套裝經常被專業人士或提供檢測服務嘅愛滋病組織採用；但截至2016年12月嘅資料，香港市面上只有第二代和第三代嘅自我檢測套裝產品（請參閱愛滋病自我檢測）。使用者必須留意，較短嘅空窗期只意味可較早發現感染，假如喺空窗期內檢測結果呈陰性，仍不能排除之前三個月內進行嘅風險行為可能會導致愛滋病病毒感染。如有疑慮，應重複檢驗或請教醫生。
愛滋病檢測產品 使用的技術 空窗期
第一代 酶聯免疫吸附測試 最短約五星期
第二代 酶聯免疫吸附測試 縮減至最短四星期
第三代 酶聯免疫吸附測試 縮減至最短三星期
第四代 酶聯免疫吸附測試及p24抗原檢測 縮減至最短兩星期
透過測試知道愛滋病病況嘅好處
愛滋病治療已經有好大嘅進步，生存率亦已經大大提高。如果在感染早期就被診斷出來，治療效果就更為顯著。證據顯示，抗愛滋病病毒藥物治療有效預防愛滋病病毒經性接觸同其他傳染途徑繼續傳播開去。
愛滋病病毒抗體測試
當身體受愛滋病病毒感染，就會產生抗體，即係自身對抗感染嘅自然反應。但這些抗體係無法徹底抵禦愛滋病病毒。愛滋病病毒抗體測試能夠檢出血液、口腔液（而非口水）或尿液內有沒有這種抗體，以確定是否受感染。測試可以喺化驗所進行傳統測試（靜脈抽血），又或者做快速測試（篤手指或口腔液）。抽血化驗嘅結果需時大約一個禮拜，而篤手指則只需時20至30分鐘，但快速測試只能作為篩查檢驗，任何陽性結果都必須再次進行確認測試。
如果測到有愛滋病病毒抗體，結果係會呈陽性，代表該人已受感染。
如果在空窗期 （即接觸病毒直至測試發現抗體期間）過後才做嘅測試，結果呈陰性，就代表你沒有被感染。
愛滋病病毒抗原測試
愛滋病病毒抗原係一種被稱為p24嘅病毒蛋白質。在愛滋病病毒感染後與血清轉換（產生抗體）之間嘅一段時間，新感染者嘅血清中會出現高水平嘅p24，由此有助診斷初期嘅愛滋病病毒感染。而初期過後，p24抗原測試並唔係最可靠嘅確診方法。
愛滋病病毒抗體快速測試
-
愛滋病病毒抗體快速測試只用作篩查，透過血液或者口腔液樣本檢出愛滋病病毒抗體，只需20至30分鐘便有結果。
-
任何陽性結果都必需再進行抽血化驗以作確認。
-
目前，至少有四款快速測試用品已獲美國食品及藥物管理局認可，部份測試用品也正在香港使用。要確保結果準確，就一定要嚴格遵守製造商嘅指示。由受專業訓練人士進行嘅快速測試結果，準確性一般較高。
愛滋病自我檢測
愛滋病自我檢測係指一個人私下採集樣本、進行檢測及解讀檢測結果嘅整個過程，以了解其感染愛滋病病毒嘅狀況。呢個唔可以作為最終確診之用，只能做初步篩查，檢測係咪有愛滋病病毒一型（HIV-1）或愛滋病病毒二型（HIV-2）抗體，或p24抗原。自我檢測任何陽性結果都必須抽取靜脈血液樣本，送去化驗所再進行確診測試。
對於未能接受現有自願輔導和檢測服務嘅人士，自我檢測可令佢哋自在同方便咁知道自己嘅愛滋病感染狀況。
篩查檢測的靈敏度和特異度
靈敏度：篩查檢測嘅靈敏度係指响受感染人士身上檢驗出陽性結果嘅能力。如果測試100個受感染嘅人當中檢驗出99個呈陽性反應，咁呢個檢測嘅「靈敏度」就係99%。靈敏度低嘅檢測會產生較多假陰性嘅結果，即受感染嘅人未能確診，造成安全假象。
特異度：篩查檢測嘅特異度係指响冇受感染人士身上檢驗出陰性結果嘅能力。如測試100個冇受感染嘅人當中檢驗出99個呈陰性反應，咁呢個檢測嘅「特異度」就係99%。特異度低嘅檢測會產生較多假陽性嘅結果，令未受感染嘅人產生不必要嘅憂慮。
自我檢測VS 傳統測試及快速測試
-
傳統測試指從靜脈抽血，然後將血液樣本送到化驗所，由經過訓練嘅技術人員進行檢測，如有需要，會進行確認檢測。
-
快速測試係以手指刺針方式取血（或抹拭牙齦取得口腔液），即場進行檢測，約20分鐘後，由醫護人員或社區組織人員解讀結果。
-
自我檢測嘅程序同快速測試一樣，分別在於由使用者自行解讀結果。
有乜嘢治療方法？
愛滋病治療
雖然目前愛滋病病毒感染仍然無法根治，但現時已有抗病毒藥物，可以抑制病毒複製，以及修復免疫系統嘅功能。因此，接受愛滋病治療嘅人士同樣可以過健康同有質素嘅生活。但如果太遲確診，發生併發症嘅風險就會提高，治療成效就比較差。
愛滋病治療主要有兩個目的：
-
利用抗愛滋病病毒藥物阻止病毒複製。這樣可提升免疫力，有效控制感染。
-
預防和治療因缺乏正常免疫力而引發嘅機會性感染。
自從高效能抗病毒治療(HAART)面世後，患者現時已經可以享有高質素的生活，而壽命與其他人亦差不多。高效能抗病毒治療 – 亦俗稱「雞尾酒療法」或者「混合療法」係目前愛滋病標準療法，此療法是從兩種不同類別嘅藥，選取三種或以上抗病毒藥物進行治療。由於現時已有複方藥丸(即一粒藥丸含多種藥物)，每天服藥已比以前方便得多。
治療藥物有以下五大類別：
-
核苷逆轉錄酶抑製劑（NRTIs）
-
非核苷逆轉錄酶抑製劑（NNRTIs）
-
蛋白酶抑製劑（PIs）
-
進入抑製劑
-
整合酶抑製劑 (INSTIs)
愛滋病治療有乜嘢優點？
有效嘅抗愛滋病病毒藥物治療可以：
-
使大多數HIV嘅感染者在穩定接受咗抗愛滋病病毒藥物治療後，可將病毒載量減低至到無法被偵測嘅水平（<200copies/ml），使CD4淋巴細胞數量回復至正常水平，以維持正常嘅免疫力。
-
目前已有明確証據顯示，越早接受治療， 越快見到成效。
-
減少出現機會性感染和愛滋病相關嘅惡性腫瘤。
-
減少一些常見於感染者身上嘅健康問題，例如心血管疾病、腎病、肝病、神經系統併發症，以及多種非愛滋病相關嘅惡性腫瘤和感染等。
-
多項研究顯示，如你能一直監察病毒載量而能維持在無法被偵測水平最少六個月以上，經由性傳播 HIV 嘅機會是微乎其微。（要記住：必須每日按醫囑服用抗愛滋病病毒藥物，並要定期覆診驗血檢查病毒載量。）
乜嘢時候開始接受愛滋病治療？
-
所有確診後嘅成年人及青少年無論處於任何臨床階段或CD4淋巴細胞數量多少，都必須接受抗病毒治療，以減低感染者的病發率及死亡率。
-
只會在非常個別的情況下，由於臨床或心理及社會因素而暫緩藥物治療。否則所有治療都應盡快開始。
堅持服藥點解咁重要？
堅持服藥(藥物依從性)非常重要，只有咁樣先可以將病毒數量維持喺檢測唔到嘅水平，同時亦防止抗藥性情況出現。抗藥性係指藥物對抗愛滋病病毒嘅能力降低。不堅持服藥導致抗藥性出現，使治療失效，並減低未來治療方案嘅選擇。
服藥小貼士：
-
了解服用各種藥物嘅正確劑量、時間同服用方法；
-
嘗試把服藥時間融入個人日常生活；
-
設定響鬧裝置，提醒服藥嘅時間；
-
把藥物放喺方便提取嘅地方；
-
經常攜帶瓶裝水，方便服藥；
-
用藥丸盒裝藥，防止遺漏。
定期監測 -病毒載量、CD4淋巴細胞數量及其他
病毒載量及CD4淋巴細胞數量
病毒載量係量度病毒於人體內複製嘅活躍程度。病毒數量越高，傳染性也越高。有效嘅抗病毒藥物治療能抑制病毒複製。只要成功抑制病毒複製，便可提升CD4淋巴細胞嘅數量，從而增強免疫力。
CD4淋巴細胞數量係衡量免疫系統功能嘅一個指標。如感染愛滋病病毒後沒有接受治療，病毒會持續攻擊CD4淋巴細胞及削弱免疫力。一般未受感染人士嘅CD4指數為每立方毫米400至1200個細胞不等。如CD4指數跌至每立方毫米少於200個細胞，就會出現某些機會性感染。
所有受感染人士在接受治療護理前和進行治療期間，都應檢測病毒載量及CD4淋巴細胞數量。醫生會根據CD4淋巴細胞數量，評估使用抗病毒藥物治療的迫切性，並且決定有沒有需要使用藥物預防機會性感染。治療愛滋病嘅目的係將病毒載量維持喺檢測唔到嘅水平，從而修復免疫力。在治療期間定期監測病毒載量，可幫助醫生監察治療成效。多項研究顯示，如能一直監察病毒載量而能維持在無法被偵測水平最少六個月以上，經由性傳播HIV嘅機會是微乎其微。但係要記住，即使檢測唔到病毒載量，都要繼續進行安全性行為，因為愛滋病病毒仍可以存在於精液和直腸分泌物中。
其他定期監測
抗藥測試 – 抗藥測試可以檢測體內嘅病毒是否已經對愛滋病病毒治療藥物產生抗藥性。在接受任何抗病毒治療之前，或者發現治療失敗時，接受抗藥測試往往係最好嘅做法。要避免出現抗藥性，最好嘅方法係按時並持續服食抗病毒藥物。
檢驗性病和其他疾病 – 建議定期檢查有無感染其他性病，例如梅毒、乙肝以及丙肝。如果你正接受抗病毒藥物治療，醫生亦會監察你嘅血糖、膽固醇同肝、腎功能等等。
愛滋病併發症
乜嘢係機會性感染？
愛滋病病毒破壞患者嘅免疫力，併發出一般健康人不受影響嘅感染，就叫做「機會性感染」。單憑名字就可以知道，病毒係趁住有機可乘而肆虐，導致健康出現問題。
常見嘅機會性感染包括呼吸道併發症如肺囊蟲肺炎、肺結核和胞內鳥結核分支桿菌感染。神經系統同腸胃道也通常會受影響，例如巨細胞病毒視網膜感染同隱球菌引起嘅腦膜炎。此外，有些病毒可以引起惡性腫瘤如卡波西氏腫瘤以及淋巴瘤等。
機會性感染可唔可以醫好？
好多機會性感染都可以預防同醫好嘅，但係如果患者持續處於免疫力差嘅狀態，疾病就會好容易復發。除咗抗病毒藥物治療，患者通常亦需要長期接受其他藥物治療，防止機會性感染復發，直到免疫系統恢復滿意水平為止。